…

In a more beautiful place

If we met 

I would have loved it better 

قلبي يقطعني بشكل كلمات الاغنية كأنها تتكلم عنه

أنا اسفة لاني شخص عايش بهذا الكون مع شخص مثل هذا وهو كان يحس بكل هذا الالم ومحد حس فيه ولا بمشاعره ولا بالألم اللي يمر فيه ، اتمنى اتمنى من اعماق قلبي لو اني اقدر اسوي شي .. مااقدر اتحكم بمشاعري ولا بقلبي ولا بدموعي

مااقدر مع اني ماكنت له فان بس صدق قلبي يألمني كلما شفت فيديواته وهو يضحك و وية الاعضاء وباقي الايدولز اتمنى لو اني كنت شخص بحياته واقدر اغير له حياته واساعده ان يتغلب على كل هذا..قلبي يألمني بشكل مو طبيعي والله كل شوي اتذكر احس اني مكتئبة بشكل محبطة وحزينة .. ما احس اني عندي طاقة ان اواجه العالم كل يوم .. احس اريد ابقى ع هالحال لفترة لحد ما اخذ كفايتي وبعدين نفسي تعالج نفسها بنفسها ..

انا كشخص اتابعه من بعيد ومن ورا الشاشة وهذاا اللي احس فيه.. فكيف اصدقائه؟ اعضاء فرقته؟ اللي كل يوم وياه او يشوفوه ويتصلون عليه..ااه الألم يعتصر قلبي بشكل..

احس لو شخص بحياتي بهذه الاهمية صار له نفس هالشي ما اعتقد اني حقدر  اكمل حياتي على نفس الوتيرة.ححتاج فترة طويلة. . جداً لحد ما تشفى جروحي… انا تفكيري كله ع اعضاء فرقته ..انه شخص كان موجود وياهم كل يوم وفجأة يختفي..احس كل شي حولهم حيذكرهم فيه.. العيش حيكون صعب بالنسبة لهم اتمنى ان يكونون بخير ويكونون اقوياء مع ان الشي صعب.. بس اتمنى من كل قلبي

كلما افكر بالموضوع احس اكو شي غلط احس كأنه حلم مو حقيقة مااقدر استوعب اللي صار شخص مثله موجود بكل مكان.. بكل فيديو ع اليوتيوب تويتر انستقرام صوره بكل مكان حساباته …وفجأة يختفي عن هالعالم.. !

اكيد ان اعضاء فرقته وكل اصدقائه شعورهم اضعاف اللي نحس فيه احنة كمتابعين /معجبين.. الامر صعب التصديق والله.. انا بس اتمنى ان يكونون بخير ما اريد اي شي ما اريدهم يرجعون للكاميرات ويبتسمون وهم مجبورين ع هالشي لو ف ايدي اخذهم مكان بعيد عن عيون الناس واخليهم يرتاحون لفترة طويلة..

اعرف ان اللي قاعدة اسويه ممكن يكون غلط بس قلبي مايقدر يتجاهل ..دموعي ماتقدر تمسك نفسها من انها ماتنزل..مااقدر..الامر مو بإيدي ..

 

ما اعرف شأكتب بعد او شأقول دموعي تنزل بدون توقف..بمجرد اني افكرفيه اتمنى لو كنت شخص مفيد وساعده ..انا اسفة لانه ما كان بإيدي أي شي اسويه..